ООУ „Крсте Мисирков” денеска со свечена седница во Занаетчиски дом одбележа 77 години од постоењето на училиштето.
Според објавата на Општина Куманово, манифестацијата под мотото „Мисирков – наш патоказ” била посветена на ликот и делото на авторот на првата книга и првото списание на современ македонски јазик, филолог, кодификатор на македонскиот литературен јазик и правопис, славист, историчар, етнограф, публицист, собирач и проучувач на македонското народно творештво, Крсте Петков Мисирков.
Свеченоста била збогатена со музички настап на хорот, инструментална и литературна изведба на ученици.